കേരള സംസ്ഥാന സീനിയർ നെറ്റ്ബോൾ ചാമ്പ്യൻഷിപ്പിന് ഇത്തവണ പാലക്കാട് ആതിഥേയത്വം വഹിക്കുന്നു. സെപ്റ്റംബർ 27, 28 തീയതികളിൽ പാലക്കാട് മേഴ്സി കോളേജിൽ വെച്ച് നടക്കുന്ന ചാമ്പ്യൻഷിപ്പിന്റെ ഉദ്ഘാടനം ഒറ്റപ്പാലം MLA അഡ്വ: കെ. പ്രേംകുമാറും, സമ്മാനദാനം ജില്ലാ പഞ്ചായത്ത് പ്രസിഡണ്ട് ശ്രീമതി കെ. ബിനു മോളും നിർവഹിക്കും. 14 ജില്ലകളിൽ നിന്നായി 400 ഓളം പ്രമുഖ കായികതാരങ്ങൾ മാറ്റുരയ്ക്കുന്ന ഈ വൻകിട കായികമേളയുടെ വിജയത്തിനായി രൂപീകരിച്ച ഓർഗനൈസിംഗ് കമ്മിറ്റിയുടെ ചെയർമാൻ എന്ന നിലയിൽ വാർത്താസമ്മേളനത്തിൽ പങ്കെടുക്കാൻ സാധിച്ചതിൽ സന്തോഷമുണ്ട്. സംസ്ഥാന-ജില്ലാ നെറ്റ്ബോൾ അസോസിയേഷൻ ഭാരവാഹികളായ എസ്. നജിമുദ്ദീൻ, എസ്. മുത്തുകുമാർ, സത്യൻ എ.എസ്, മിനി സജി, ഉദയശങ്കർ സി.എം എന്നിവർക്കൊപ്പം കായികരംഗത്തെ ഈ വലിയ മുന്നേറ്റത്തിന് നേതൃത്വം നൽകാൻ കഴിഞ്ഞത് മികച്ചൊരു അനുഭവമാണ്.